टिप्पणी: १६−(साकंजानाम्) सहोत्पन्नानां सप्तानां मध्ये (सप्तथम्) थट् च च्छन्दसि। पा० ५।२।५०। इति थट्। सप्तमं जीवात्मानम्। सहजातानां षण्णामिन्द्रियाणामात्मा सप्तमः-निरु० १४।१९। (आहुः) कथयन्ति (एकजम्) एकोत्पन्नम् (षट्) पञ्चज्ञानेन्द्रियमनांसि (इत्) एव (यमाः) नियन्तारः (ऋषयः) अ० २।६।१। ऋषिर्दर्शनात्-निरु० १२।३७। (देवजाः) देवाज्जीवात्मनो जाताः (इति) प्रकारार्थे (तेषाम्) इन्द्रियाणाम् (इष्टानि) अभिमतकर्माणि (विहितानि) विदधातेः-क्त। ईश्वरस्थापितानि (धामशः) धामानि धामानि (स्थात्रे) अधिष्ठात्रे जीवात्मने (रेजन्ते) रेजृ दीप्तौ। दीप्यन्ते। रेजत इति भयवेपनयोः-निरु–० ३।२१। (विकृतानि) विविधप्रकाराणि (रूपशः) प्रत्येकरूपे ॥