टिप्पणी: १२−(पञ्चपादम्) पञ्चसु पृथिव्यादितत्त्वेषु गतिमन्तम् (पितरम्) पालकम्। (द्वादशाकृतिम्) पञ्चज्ञानकर्मेन्द्रियमनोबुद्धिनामाकृती रूपं यस्मात् तम् (दिवः) दिवु व्यवहारे द्युतौ च-डिवि। प्रत्येकव्यवहारस्य (परे) उत्कृष्टे (अर्धे) ऋधु वृद्धौ-घञ्। ऋद्धौ। वृद्धौ (पुरीषिणम्) शॄपॄभ्यां किच्च। उ० ४।२७। पॄ पालनपूरणयोः−ईषन्, इनि। पूर्तिमन्तं परमेश्वरम् (अथ) (इमे) (अन्ये) विवेकिनः (उपरे) उपरमतेर्डप्रत्ययः। उपरतिर्निवृत्तिर्विषयवैराग्यं यस्य तस्मिन् (विचक्षणे) अनुदात्तेतश्च हलादेः। पा० ३।२।१४९। वि+चक्षिङ् व्यक्तायां वाचि दर्शने च-युच्। विविधं द्रष्टरि पण्डिते। (सप्तचक्रे) स्फायितञ्चिवञ्चि०। उ० २।१३। चक तृप्तौ-रन्। सप्तभिः शीर्षण्यच्छिद्रैर्द्वारा तृप्तियुक्ते। (षडरे) ऋ गतौ-अच्। उच्चनीचसहितासु पूर्वादिचतसृषु दिक्षु अरो गतिर्यस्य तस्मिन् (आहुः) (अर्पितम्) स्थापितम् ॥