टिप्पणी: ११−(नयत) गमयत (अमून्) दुष्टान् (मृत्युदूताः) हे घातकजनाः (यमदूताः) वधकाः (अप उम्भत) उम्भ पूरणे। बलेन बध्नीत। (परःसहस्राः) सहस्राधिकाः (हन्यन्ताम्) वध्यन्ताम् (तृणेढु) तृह हिंसायाम्-लोट्। चूर्णी करोतु। पिनष्टु (एनान्) दुष्टान् (मत्यम्) मतजनहलात् करणजल्पकर्षेषु। पा० ४।४।९७। मतं ज्ञानं तस्य करणमिति। मुष्टिः-इति शब्दकल्पद्रुमः (भवस्य) भू सत्तायां प्राप्तौ च-अप्। भवत्युत्पद्यते सुखमस्मादिति भवः। सुखोत्पादकस्य ॥