टिप्पणी: ३−(उभा) द्वौ (उभयाविन्) वलिमलितनिभ्यः कयन्। उ० ४।९९। उभ पूर्तौ-कयन्। सुप्यजातौ णिनिस्ताच्छील्ये। पा० ३।२।७८। उभय+अव रक्षणे-णिनि। हे पूर्तिरक्षक (उप धेहि) उपयोगय (दंष्ट्रौ) दन्तौ (हिंस्रः) शत्रुनाशकः (शिशानः) म० १। तीक्ष्णीकृतः (अवरम्) अधोवर्तमानं दंष्ट्रम् (परम्) उपरि वर्तमानम् (च) (उत) अपि (अन्तरिक्षे) आकाशे विमानेन (परि) सर्वतः (याहि) संचर (अग्ने) अग्निवत्तेजस्विन् राजन् (जम्भैः) जभि नाशने-घञ्। नाशकर्मभिः। दन्तयुक्तायुधैः (सन्धेहि) लक्ष्यीकुरु (अभि) अभिलक्ष्य (यातुधानान्) पीडादायकान् ॥