टिप्पणी: ४−(परि) परितः (ड) निश्चयेन (सु) सुष्ठु (प्र) प्रकर्षेण (धन्व) गच्छ। प्राप्नुहि (वाजसातये) अस्मभ्यमन्नदानाय (परि) परितः (वृत्राणि) आवरकाणि रक्षांसि (सक्षणिः) सक्षति गतिकर्मा−निघ० २।१४। अर्तिसृधृ० उ० २।१०२। अनि प्रत्ययः। यद्वा षहः अभिभवे−सनि। अभिभविता (द्विषः) शत्रून् (तत्) तस्मात् कारणात् (अधि) ऐश्वर्येण (अर्णवेन) सर्वधातुभ्योऽसुन्। उ० ४।१८९। इति ऋणु गतौ−असुन्। अर्णसो लोपश्च। वा० पा० ५।२।१०९। अर्णस्−व, सस्य लोपः। जलयुक्तेन समुद्रेण (ईयसे) प्राप्नोषि (सनिस्रसः) स्रंसु गतौ−यङन्तात् घञ्, अल्लोपयलोपौ। नीग्वञ्चुस्रंसुध्वंसु० पा० ७।४।८४। इति नीग् आगमः। छान्दसो ह्रस्वः, अन्तर्गतो ण्यर्थः, अतिशयेन अधः पातयिता (नाम) प्रसिद्धौ (असि) (त्रयोदशः) त्रयोदशानां दशेन्द्रियमनोबुद्धीश्वराणां संख्यापूरकः परमेश्वरः (मासः) मसी परिणामे परिमाणे च−घञ्। परिमाणकर्ता (इन्द्रस्य) जीवस्य (गृहः) आश्रयः ॥