टिप्पणी: ५−(ब्रह्मचारी) ब्रह्म+चर−आवश्यके णिनिः। ब्रह्मणे वेदाय तद्ग्रहणाय चरणशीलः पुरुषः (चरति) विचरति (वेविषत्) विष्लृ व्याप्तौ−शतृ। व्याप्नुवन् (विषः) श्रयतेः स्वाङ्गेः शिरः किच्च। उ० ४।१९४। इति विष्लृ−असुन्, स च कित्। व्याप्तव्यं कर्म (सः) (देवानाम्) विदुषाम् (भवति) (एकम्) मुख्यम् (अङ्गम्) अवयवः (तेन) कारणेन (जायाम्) म० २। सुखजनयित्रीं विद्याम् (अनु) अनुगम्य (अविन्दत्) अलभत (बृहस्पतिः) बृहतीनां वाचां पतिः। पालकः। ब्रह्मचारी (सोमेन) परमेश्वरेण (नीताम्) प्रापिताम् (जुह्वम्) जुहोतिर्दानकर्मा−निघ० १०।१२। हुवः श्लुवच्च। उ० २।६०। इति हु−क्विप्, द्वित्वं दीर्घश्च। जुहूम्। दानशीलाम् (न) सम्प्रत्यर्थे−निरु० ७।३१। (देवाः) हे विद्वांसः ॥