टिप्पणी: ६−(अद्य) वर्तमानदिने। (अग्ने) भौतिकाग्ने (सवितः) हे लोकप्रेरक सूर्य (देवि) हे दिव्यगुणे (सरस्वति) सर्वधातुभ्योऽसुन्। उ–० ४।१८९। इति सृ गतौ-असुन्, मतुप्, मस्य वः, ङीप्। सरो नीरं विज्ञानं वा विद्यतेऽस्यां सा सरस्वती। वाक्-निघ० १।१।१। सरस्वतीत्येतस्य नदीवद्देवतावच्च निगमा भवन्ति-निरु० २।२३। हे विज्ञानवति विद्ये (अस्य) शूर पुरुषस्य (ब्रह्मणस्पते) अ० १।२९।२। ब्रह्मणस्पतिर्ब्रह्मणः पाता वा पालयिता वा। ब्रह्म, अन्नम्-निघ० २।८। धनम्-निघ० २।११। हे ब्रह्मणोऽन्नस्य, धनस्य, वेदस्य विप्रस्य वा पालक परमेश्वर (धनुरिव) अर्त्तिपॄवपियजि०। उ० २।११७। इति धन धान्ये-उसि। चापं यथा (आ) समन्तात् (तानय) तनु विस्तारे-णिच्। विस्तारय (पसः) सर्वधातुभ्योऽसुन्। उ० ४।१८९। इति पस बन्धे, बाधे च-असुन्। राज्यप्रबन्धम्। राष्ट्रम्-इति दयानन्दभाष्ये, यजु० २३।२२ ॥