टिप्पणी: ५−(अपाम्) व्यापनशीलानां जलानाम् (रसः) सारः (प्रथमजः) प्रथमं जातः प्रादुर्भूतः (अथो) अपि च (वनस्पतीनाम्) अ० २।१२।३। वनानां सेवकानां पतीनां पालकानां वृक्षाणाम् (उत) अपि (सोमस्य) अमृतस्य। ऐश्वर्यस्य (भ्राता) अ० १।१४।१। भ्राजृ दीप्तौ-तृन्। प्रकाशकः। अथवा। डुभृञ् धारणपोषणयोः-तृन्। अन्योऽन्यभरणशीलः। भ्राता भरतेर्हरतिकर्मणो हरते भागं भर्त्तव्यो भवतीति वा-निरु० ४।२६। भ्रातृसमानगुणः (असि) भवसि (आर्शम्) इगुपधज्ञा०। पा–० ३।१।१३५। इति ऋश हिंसायाम्-कु, सौत्रौ धातुः। ऋशति शूर्यते हिनस्ति शत्रूनिति ऋशः शूरः। तस्मै हितम्। पा० ५।१।५। इति अण्। ऋशाय शूराय हितम् (वृष्ण्यम्) म० ४। बलम् ॥