टिप्पणी: ४−(उत्) उदेजतु-म० २। (शुष्मा) म० २। बलवती (ओषधीनाम्) वीरुधां मध्ये (सारा) सृ-घञ्, टाप्। श्रेष्ठा। यद्वा। सृ णिच्-अच्, टाप् दूर्वा। शातला-यथा। शातला सप्तला सारा विमला विदुला च सा। तथा निगदिता भूरिरेफा चर्मकषेत्यपि। इति शब्दकल्पद्रुमः (ऋषभाणाम्) अ० ३।२३।४। ऋष गतौ दर्शने च-अभक्। टाप्। श्रेष्ठानाम्। ऋषभौषधादिरसानाम् (सार ऋषभाणाम्) ऋत्यकः। पा० ६।१।१२८। इति प्रकृतिभावः। (पुंसाम्) अ० १।८।१। पा रक्षणे-डुमसुन्। रक्षणशीलानां पुरुषाणां मध्ये (इन्द्र) परमैश्वर्यवन् सद्वैद्य (वृष्ण्यम्) खलयवमाषतिलवृषब्रह्मणश्च। पा० ५।१।७। इति वृषन्-यत्। वृष्णे-इन्द्राय जीवाय हितं बलम्। वीर्यम्। (अस्मिन्) पुरुषे (संधेहि) सम्यग् धारय (तनूवशिन्) अ० १।७।२। हे तनूनां शरीराणां वशयितः ॥