टिप्पणी: २−(उत्) उदेजतु (उषाः) उषः किच्च। उ० ४।२३४। इति उष दाहे वधे च, यद्वा, उछी विवासे, यद्वा, वश कान्तौ असि। उषाः कस्मादुच्छतीति सत्या रात्रेरपरकालः-निरु० २।१८। उषा वष्टेः कान्तिकर्मण उच्छतेरितरा माध्यमिका-निरु० १२।५। कल्यम्। प्रभातकालः (उ) अपि (सूर्यः) रविः (इदम्) मन्त्रात्मकम् (मामकम्) अ० १।२९।५। मदीयम् (वचः) वचनम् (उदेजतु) एजृ कम्पने। उत्कम्पयतु। उदेतु (प्रजापतिः) प्रजायन्ते प्रजाः। उपसर्गे च संज्ञायाम्। पा० ३।२।८९। इति प्र+जनी प्रादुर्भावे-ड। प्रजानां पालयित्री (वृषा) अ० १।१२।१। वृषु सेचने, प्रजननैश्ययोः-कनिन्। यद्वा, क प्रत्ययः, टाप् स्त्रियाम्। बलसेचिका। ओषधिविशेषः। तत्पर्यायाः। चित्रा। उपचित्रादयः-अमरकोशे १४।८७, ८८ (शुष्मेण) अविसिविसिशुषिभ्यः कित्। उ० १।१४४। इति शुष शोषणे-मन्। शुष्ममिति बलनाम शोषयतीति सतः-निरु० २।२४। बलेन। प्रभावेण (वाजिना) वज गतौ-घञ्। वाजो वेगः। अन्नम्-निघ० २।७। बलम्-निघ० २।९। अत इनिठनौ पा० ५।२।११५। इति इति। वेगवता अन्नवता ॥