टिप्पणी: ४−(अस्मै) राज्ञे (द्यावापृथिवी) हे द्यावापृथिव्यौ। सूर्यभूलोकौ। तत्रस्थपदार्थाः, इत्यर्थः (भूरि) प्रभूतम् (वामम्) अर्तिस्तुसुहु०। उ० १।१४०। इति वा गतिगन्धनयोः-मन्। यद्वा। इषियुधीन्धि०। उ० १।१४५। इति वन सम्भक्तौ याचने च-मक्। नस्य आकारः। प्रशस्यम्-निघ० ३।८। धनम् (दुहाथाम्) दुग्धम्। प्रपूरयतम् (घर्मदुघे) घर्म+दुघे। घर्म इति व्याख्यातम्-अ० ४।१।२। दुहः कब्घश्च। पा० ३।२।७०। इति दुह प्रपूरणे-कप्, हस्य घश्च। टाप्। घर्मस्य यज्ञस्य प्रपूरयित्र्यौ यज्ञाय दोग्ध्र्यौ (इव) यथा (धेनू) गावौ (अयम्) (राजा) (प्रियः) हृद्यः। तर्पकः। (इन्द्रस्य) परमेश्वरस्य (गवाम्) वाणीनाम्। विद्यानाम् (ओषधीनाम्) व्रीहियवादिसस्यानाम् (पशूनाम्) द्विपाच्चतुष्पदां प्राणिनाम् ॥