टिप्पणी: ३−(पिशङ्गे)। विडादिभ्यः कित्। उ० १।१२१। इति पिश व्यवस्थायाम्, अवयवे च-अङ्गच् व्यवस्थायुक्ते। अवयवयुक्ते। दृढे। (सूत्रे)। सिविमुच्योष्टेरू च। उ० ४।१६३। इति षिवु तन्तुसन्ताने-ष्ट्रन्। यद्वा। सूत्र ग्रन्थने वेष्टने च-अच्। तन्तौ। व्यवस्थायाम्। नियमे। (खृगलम्)। नयतेर्डिच्च। उ० २।१०। इति खनु विदारे-ऋ प्रत्ययः, टिलोपः। गल भक्षे स्रावे च-अच्। खृ खननं छिद्रम्, तत्र गलयतीति खृगलः। छिद्रे गलनशीलं विघ्नम्। (तत्)। त्यजितनियजिभ्यो डित्। १।१३२। इति तनु विस्तारे-अदि, स च डित्। विस्तृतम्। (आ)। समन्तात्। (बध्नन्ति)। नियमे कुर्वन्ति। (वेधसः)। अ० १।११।१। ब्राह्मणाः। मेधाविनः। (श्रवस्युम्)। क्याच्छन्दसि। पा० ३।२।१७०। इति श्रवस्-क्यच्-उ श्रवः श्रवणम् इच्छन्तम्। महान्तम्। प्रसिद्धम् (शुष्मम्)। अविसिविसिशुषिभ्यः कित्। उ० १।१४४। इति शुष शोषणे-मन्। शोषकम्। (काबवम्)। कबृ स्तुतौ-वर्णे च घञ्+वा गतिहिंसनयोः-क। स्तुतेर्वर्णस्य वा नाशकम्। शत्रुम्। (वध्रिम्)। म० २। निर्वीर्यम्। असमर्थम्। (कृण्वन्तु)। कुर्वन्तु। (बन्धुरः)। मद्गुरादयश्च। उ० १।४१। इति बन्ध बन्धने-उरच्। सुपां सुलुक्०। पा० ७।१।३९। इति जसः स्थाने सु। बन्धुराः। नियमबद्धाः। बान्धवः ॥