टिप्पणी: ३−(हुवे)। आह्वयामि। (सोमम्)। ऐश्वर्यवन्तं पुरुषम् (सवितारम्)। सर्वस्य प्रेरकं नायकम्। (नमोभिः)। सत्कारैः। (विश्वान्)। सर्वान्। (आदित्यान्)। अ० १।९।१। अदिति-ण्य। यद्वा। आङ् दीपी दीप्तौ-यक् निपातनात् साधुः। अदितिपुत्रान्। देदीप्यमानान् शूरान्। (अहम्)। प्रधान-पुरुषः। (उत्तरत्वे)। निमित्ते सप्तमी। श्रेष्ठतार्थम्। (अयम्)। निर्दिष्टः। अहमित्यर्थः। (अग्निः)। अग्निवत् तेजस्वी। (दीदयत्)। दीदेतिश्छान्दसो दीप्तिकर्मा-लेटि। अडागमः दीर्घश्छान्दसः। दीप्यताम्। (दीर्घमेव)। चिरकालमेव। (सजातैः)। समानजन्मभिः। बन्धुभिः। (इद्धः)। ञिइन्धी दीप्तौ-क्त। समिद्धः। अभिवर्धितः। (अप्रतिब्रुवद्भिः)। ब्रूञ् व्यक्तायां वाचि-शतृ। अप्रतिकूलवादिभिः। सत्यवादिभिः ॥