टिप्पणी: ३−(अच्छ)। (अभिमुखम्)। (यन्तु)। गच्छन्तु, प्राप्नुवन्तु। (हविनः)। हव इनि। आह्वानशीलाः। (सजाताः)। समानजन्मानः। बान्धवाः। (अग्निः)। पावकवद् राजा। (दूतः)। अ० ३।२।१। (तापकारी)। गतिशीलः। (अजिरः)। अजिरशिशिरशिथिल०। उ० १।५३। इति अज गतिक्षेपणयोः-किरच्। गमनशीलः। प्रजाप्रेरकः। (सम्)। सम्यक्। विधिवत्। (चरातै)। चरतेर्लेटि आडागमः। वैतोऽन्यत्र। पा० ३।४।९६। इत्यैकारः। आचरतु भवान्। (जायाः)। जनेर्यक्। स० ४।१११। इति जन जनने-यक्, आत्वम्, टाप्। जनयति वीरान्। भार्याः। (पुत्राः)। अ० १।११।५। षूञ् शोधे-क्त्र। पुत्रः पुरु त्रायते निपरणाद् [पालनात्] वा पुं नरकं ततस्त्रायत इति वा-निरु० २।११। कुलशोधकाः। बहुरक्षका वा दुःखनाशका वा सन्तानाः। वीराः पुत्री पुत्राः। (सुमनसः)। शोभनमनस्काः। प्रसन्नचित्ताः। (भवन्तु)। सन्तु। (बहुम्)। लङ्घिबंह्योर्नलोपश्च। उ० १।२९। बहि वृद्धौ-कु, नलोपः। विपुलम्। (बलिस्)। सर्वाधातुभ्य इन्। उ० ४।११८। इति बल संवरणे, दाने-इन्। बल्यते दीयते स बलिः। राजग्राह्यं भागम्। करम्। उपहारम्। पूजासामग्रीम्। (प्रति)। अभिमुखम्। (पश्यासै)। दृशेर्लेटि आडैत्वे, यथा (चरातै) शब्दे। आत्मनेपदम्। पश्य। (उग्रः) उत्कटः। तेजस्वी ॥