टिप्पणी: ३−(यः) अग्निः। (इन्द्रेण) ऐश्वर्यवता शूरेण। (सरथम्) समानरथम्। एकरथमारुह्य। (याति) गच्छति। (देवः) दीप्यमानः। विजिगीषुः। (वैश्वानरः) अ० १।१०।४। सर्वनरहितः। (विश्वदात्र्यः) दुन्योरनुपसर्गे। पा० ३।१।१४२। इति दु उपतापे-णः। दावः=उपतापः। तत्र साधुः। पा० ४।४।९८। इति यत्। शत्रूणां सर्वोपतापने साधुः। सर्वदाहकुशलः। (जोहवीमि) अ० २।१२।३। पुनः पुनराह्वयामि। (पृतनासु) वीपतिभ्यां तनन्। उ० ३।१५०। इति पृङ् व्यायामे-तनन्, स च कित्। टाप्। संग्रामेषु-निघ० २।१७। (सासहिम्) अ० ३।१८।५। ससहिम्। अभिभवितारम्। अन्यद् गतम् ॥