टिप्पणी: २−(अयम्)। समीपवर्ती। प्रसिद्धः। (अग्निः)। ज्ञानवान्। अग्निवत्तेजस्वी। (अमूमुहत्)। मुहेर्ण्यन्ताद् लुङि चङि रूपम्। व्याकुलीकृतवान्। (चित्तानि)। ज्ञानानि। (वः)। युष्माकम्। (हृदि)। हृञ् हरणे-क्विप्, तुक्, तस्य दः। हृदये। (वि)। विशेषेण। (वः)। युष्मान्। (धमतु)। धमति, गतिकर्मा-निघ० २।१४। वधकर्मा-निघ० २।१९। सौत्रो धातुः। अन्तर्भावितण्यर्थः। धमयतु। गमयतु। निःसारयतु। (ओकसः)। उच समवाये-असुन्, गुणः, न्यङ्क्वादित्वात् कुत्वम्। गृहात्। (सर्वतः)। सर्वप्रकारेण। अन्यत् सुगमम् ॥