टिप्पणी: ३−(अपकामम्)। विनैव कामेन, व्यर्थम्। (स्यन्दमानाः)। स्यन्दनं कुर्वाणाः। (अवीवरत)। वृञ् वरणे, यद्वा, वृ वारणे, स्वार्थिको णिच्। वृतवान्। वारितवान्। (वः)। युष्मान्। (हि)। निश्चयेन। (कम्)। सुखेन। (इन्द्रः)। जीवः। सूर्य्यः। (वः)। गतौ, वा, वृञ् वरणे-ड। वायुः, वरुणः। वेगवान्। वरणीयः। (शक्तिभिः)। स्वसामर्थ्यैः। (देवीः)। दिवु दीप्तौ, क्रीडायां च-अच्, ङीप्। हे देव्यः। दिव्यगुणाः। देवनशीलाः। (वार्)। वृञ् वरणे, वा वृ वारणे-णिच् क्विप्। (व्रियते) वार्यते वा यत्तद्। जलम्। (वः)। युष्माकम्। (हितम्)। धाञ् धारणे-क्त। धृतम् ॥