टिप्पणी: ३−(संवत्सरस्य)। म० २। सम्यक् निवासकस्य परमेश्वरस्य। (प्रतिमाम्)। आतश्चोपसर्गे। पा० ६।३।१०६। इति प्रति+माङ् माने-अङ् टाप्। प्रतिनिधित्वेन निर्मीयत इति प्रतिमा। प्रतिरूपाम्। प्रतिमूर्त्तिम्। (या)। या गतौ-ड। यातीति यः-वायुः। स्त्रियां टाप्। सर्वत्रगन्त्रीम्। सर्वव्यापिनीम् त्वा। त्वाम्। (रात्रि)। म० २। विकल्पकत्वात् ङीप्। हे सुखदायिनि। हे रात्रिरूपे। अन्वेषणीये। (उपास्महे)। उप+आस उपवेशने। वयं सेवामहे। (सा)। म० १। ईश्वरी त्वम्। (नः)। अस्मदर्थम्। (आयुष्मतीम्)। चिरकालजीवनवतीम्। (प्रजाम्)। पुत्रपौत्रादिरूपाम्। (रायः)। अ० १।९।४। धनस्य। (पोषेण)। पुष्ट्या। वृद्ध्या। (सं सृज)। संयोजय ॥