टिप्पणी: ४–घोराः। अ० १।१८।३। हन–अच्, घुरादेशः। यद्वा। घुर ध्वनौ, भीमभवने–अच्। भयानकाः। भीमाः। ऋषयः। म० २। मुनयः। आप्तपुरुषाः। नमः। अ० १।१०।२। णमु शब्दनत्योः असुन्। अन्नम्–निघ० ३।७। सत्कारः। अस्तु। भवतु। एभ्यः। ऋषिभ्यः। चक्षुः। अ० १।३३।४। दृष्टिः। नेत्रम्। एषाम्। ऋषीणाम्। मनसः। अ० १।१।२। अन्तःकरणस्य। सत्यम्। अ० २।१४।४। तथ्यम्। यथार्थम्। बृहस्पतये। अ० १।८।२। बृहतां महतां लोकानां पत्ये स्वामिने। महिष। अविमह्योष्टिषच्। उ० १।४४। इति मह पूजायाम्–टिषच्। महिषाः=महान्तः–निरु० ७।२६। मह्यते पूज्यते सर्वैः, यद्वा, महति पूजयति शुभगुणानिति। हे महन्–निघ० ३।३। पूजनीय। द्युमत्। सम्पदादित्वात् क्विप्। वा० पा० ३।३।९४। इति द्यु अभिगमने, यद्वा, द्युत दीप्तौ–क्विप्। मतुपि तलोपः पृषोदरादित्वात्, पा० ६।३।१०९। यद्वा, दिवु क्रीडाविजिगीषाव्यवहारद्युतिस्तुतिमोदमदस्वप्नकान्तिगतिषु–विच्। द्योतनं दिव्। दिव उत्। पा० ६।१।१३१। इति मतुपि उत्त्वम्। दीप्तिमत्। कान्तियुक्तम्। स्पष्टम्। नमः। सत्कारः। विश्वकर्मन्। म० १। हे सर्वजनक परमात्मन्। पाहि। त्वं रक्ष। अन्यद् व्याख्यातम् ॥