टिप्पणी: २–सम्। मिलित्वा। संगत्य। च। समुच्चये। इत्। अवश्यम्। नयाथः। नयतेलेर्टि आडागमः। प्रापयतम्। अश्विना। अ० २।२९।६। हे कार्येषु व्यापनशीलौ मातापितरौ। कामिना। म० १। कम–णिच्–इनि। कामयमानौ। कन्यावरौ। वक्षथः। वहेर्लेटि अडागमः, सिप् च। युवां वहतम्। संयोजयतम्। वाम्। युवयोः। भगासः। आज्जसेरसुक्। पा० ७।१।५०। इति जसि असुक्। भगाः। भजनीयानि, ऐश्वर्याणि। सम्+अग्मत। समोगम्यृच्छि०। पा० १।३।२९। आत्मनेपदम्। लुङि च्लेर्लुक् सम्यग् अगमन्। चित्तानि। चिती ज्ञाने–क्त। मनांसि। व्रतानि। पृषिरञ्जिभ्यां कित्। उ० ३।१११। इति वृञ्–अतच्। कित्त्वाद् गुणाभावः, यणादेशः। व्रतमिति कर्मनाम वृणोतीति सत इदमपीतरद् व्रतमेतस्मादेव निवृत्तिकर्म वारयतीति सतोऽन्नमपि व्रतमुच्यते यदावृणोति शरीरम्–निरुक्ते–२।१३। कर्माणि। नियमान् ॥