टिप्पणी: टिप्पणी–यह मन्त्र अथर्ववेद १९।२४।३। में भी है ॥ २–परिधत्त। अन्तर्भावितण्यर्थः। परिधापयत। वस्त्रेण अलङ्कुरुत। धत्त। पोषयत। नः। अस्मभ्यम्। अस्मदर्थम्। वर्चसा। तेजसा। अन्नेन, निघ० ३।७। इमम्। दर्शनीयं ब्रह्मचारिणम्। जरामृत्युम्। जरा–अमृत्युं जरा–मृत्युं वा। षिद्भिदादिभ्योऽङ्। पा० ३।३।१०४। इति जॄष् वयोहानौ वेदे तु स्तुतौ च–अङ्। ऋदृशोऽङि गुणः। पा० ७।४।१६। इति गुणः। टाप्। जरा स्तुतिर्जरतेः स्तुतिकर्मणः–निरु० १०।८। भुजिमृङ्भ्यां युक्त्युकौ। उ० ३।२१। इति मृङ् प्राणत्यागे–त्युक्। जरया स्तुत्या अमृत्युम्। अमरत्वम्। यद्वा। जरया स्तुत्या वृद्धत्वेन वा मृत्युं मरणम्। कृणुत। कुरुत। दीर्घम्।  विदारणे–घङ्। आयतम्। प्रवृद्धम्। आयुः। अ० १।३०।३। इण् गतौ–उसि। जीवितकालः। जीवनसाधनम्। आयः। धनप्राप्तिः। बृहस्पतिः। अ० १।८।२। बृहत्+पतिः, सुट्तलोपौ। बृहस्पतिर्बृहतः पाता वा पालयिता वा–निरु० १०।११। बृहतां विदुषां रक्षकः। प्र+अयच्छत्। दाण् दाने–लङ्। पाघ्राध्मास्थाम्नादाण्०। पा० ७।३।७८। इति यच्छादेशः। अददात्। वासः। वसेर्णित्। उ० ४।२१८। इति वस आच्छादने–असुन्, स च णित्। वस्त्रम्। वासनम्। ज्ञानम्। एतत्। पुरोवर्त्ति। सोमाय। अ० १।६।२। षु प्रसवैश्वर्ययोः–मन्। सोमः सूर्यः प्रसवनात्, सोम आत्माप्येतस्मादेवेन्द्रियाणां जनितेत्यर्थः–निरु० १४।१२। सूर्यवत्तेजस्विने। राज्ञे। अ० १।१०।१। राजति=ईष्टे। निघ० २।२१। ऐश्वर्यवते पुरुषाय। परि–धातवै। तुमर्थे सेसेन्० पा० ३।४।९। इति तवै प्रत्ययः। परिधातुम्। उ। एव ॥