टिप्पणी: १८−(अञ्जते) अञ्जूव्यक्तिम्रक्षणकान्तिगतिषु। शोधयन्ति (व्यञ्जते) विख्यातं कुर्वन्ति (सम्)संगत्य (अञ्जते) गच्छन्ति। प्राप्नुवन्ति (क्रतुम्) कर्म-निघ० २।१।प्रज्ञाम्-निघ० ३।९ (रिहन्ति) अर्चन्ति-निघ० ३।१४। स्तुवन्ति (मधुना) विज्ञानेन (अभि) सर्वतः (अञ्जते) विस्तारयन्ति। प्रकटयन्ति (उच्छ्वासे) उद्गमे (पतयन्तम्)पत गतौ चुरादिरदन्तः-शतृ। गच्छन्तम् (उक्षणम्) उक्ष वृद्धौ-कनिन्। उक्षणउक्षतेर्वृद्धिकर्मणः-निरु० १२।९। वृद्धिकर्तारम् (हिरण्यपावाः) कॄगॄशॄदॄभ्यो वः।उ० १।१५५। हिरण्य+पा रक्षणे-व प्रत्ययः। हिरण्यस्य तेजसः सुवर्णादिधनस्य वारक्षकाः (पशुम्) अर्जिदृशिकम्यमि०। उ० १।२७। दृशिर् प्रेक्षणे-कु। पशुःपश्यतेः-निरु० ३।१६। द्रष्टारं जीवम् (आसु) दृश्यमानासु प्रजासु (गृह्णते)गृह्णन्ति ॥