टिप्पणी: १५−(श्वन्वतीः) श्वन्नुक्षन्पूषन्०। उ० १।१५९। टुओश्वि गतिवृद्ध्योः कनिन्, मतुप्। अनो नुट्। पा० ८।२।१६। अन्नन्ताद् मतोर्नुट्। वृद्धिमतीः (अप्सरसः) अ० ४।३७।२। अप्+सृ गतौ-असि। अप्सु प्रजासु व्यापनशीलाः (रूपकाः) आतोऽनुपसर्गे कः। पा० ३।२।३। रूप+कै शब्दे−कः। उपपदमतिङ्। पा० २।२।१९। इति समासः। रूपाणि सौन्दर्याणि काययन्ति शब्दयन्ति ज्ञापयन्ति यास्ताः क्रियाः (उत) अपि च (अर्बुदे) म० १। हे शूर सेनापते राजन् (अन्तःपात्रे) मध्यवर्तिनि पात्रे। अन्तःकरणे (रेरिहतीम्) रिह कत्थनयुद्धनिन्दाहिंसादानेषु-यङ्लुकि शतृ, ङीप्। भृशं युध्यमानाम् (रिशाम्) रिश हिंसायाम्-क, टाप्। पीडाम् (दुर्णिहितैषिणीम्) दुर्+नि+धा-क्त+इष इच्छायाम्-णिनि। दुष्टं स्थापितं प्रयोजनमन्विच्छन्तीम् (सर्वाः) (ताः) पीडाः। अन्यद् गतम्-म० १ ॥