टिप्पणी: ११−(उरुः) विस्तृतः (कोशः) निधिः। भाण्डागारः (वसुधानः) वसूनां श्रेष्ठपदार्थानामाधारः (तव) (अयम्) (यस्मिन्) कोशे (इमा) इमानि (विश्वा) सर्वाणि (भुवनानि) अस्तित्वानि। लोकाः (अन्तः) मध्ये (सः) स त्वम् (नः) अस्मान् (मृड) मृडय। सुखय (पशुपते) दृष्टिमतां जीवानां पालक (नमः) नमस्कारः (ते) तुभ्यम् (परः) परस्तात्। दूरम् (क्रोष्टारः) क्रोशनशीलाः शृगालाः (अभिभाः) अ० १।˜२०।१। अभि+भा दीप्तौ-क्विप्। अभितो दीप्यमाना विपत्तयः (श्वानः) अ० ४।३६।६। टुओश्वि गतिवृद्ध्योः-कनिन्। भ्रमणशीलाः कुक्कुराः (परः) दूरम् (यन्तु) गच्छन्तु (अघरुदः) अ० ८।—१।११। अघ+रुदेः क्विप्। पापस्य पीडाः (विकेश्यः) अ० १।२८।४। वि+केश- ङीप्। विकीर्णकेशाः। अतिभयकारिण्यः ॥