टिप्पणी: ३२−(बभ्रे) म० ३१। हे पोषक (रक्षः) रक्ष्यते यस्मात्। विघ्नम् (समदम्) सम्+अद भक्षणे-क्विप्। यद्वा सम्+मदी हर्षे-क्विप्, समो मलोपः समत्सु संग्रामनाम-निघ० २।१७। समदः समदो वात्तेः सम्मदो वा मदतेः-निरु० ९।१७। युद्धम् (आ वप) प्रक्षिप (एभ्यः) वक्ष्यमाणेभ्यः (अब्राह्मणः) अब्रह्मज्ञानिनः (पुरीषिणः) शृपॄभ्यां किच्च। उ० ४।२७। पॄ पालनपूरणयोः-ईषन्, कित्, णिनि। पुरीषमुदकनाम-निघ० १।१२। पुरीषं पृणातेः पूरयतेर्वा-निरु० २।२२। पूर्तियुक्ताः (प्रथमानाः) विस्तीर्यमाणाः (पुरस्तात्) अग्रे (आर्षेयाः) म० १६। ऋषिषु विख्याताः (ते) तव (मा रिषन्) मा हिंसन्ताम् (प्राशितारः) प्रकर्षेण भोक्तारः ॥