टिप्पणी: ४−एषाम्। स्वपुरुषाणाम्। यज्ञम्। यजयाचयतविच्छप्रच्छरक्षो नङ्। पा० ३।३।९०। इति यज देवार्चादानसङ्गतिकरणेषु-नङ्। पूजाम्, कीर्तिम्। वर्चः। सर्वधातुभ्योऽसुन्। उ० ४।१८९। इति वर्च दीप्तौ−असुन्। नित्त्वाद् आद्युदात्तः। वर्चः। अन्ननाम−निघं० २।७। रूपम्। तेजः। आ-ददे। आङ् पूर्वात् डुदाञ् ग्रहणे-लट्। अहं गृह्णामि, स्वीकरोमि। रायः। रातेर्डैः। उ० २।६६। इति रा दाने डै प्रत्ययः, रै। धनस्य। पोषम्। पुष पुष्टौ−घञ्। पोषणं वर्धनं समृद्धिम्। रायस्पोषम्। षष्ठ्याः पतिपुत्र०। पा० ८।३।५३। इति विसर्गस्य सः। चित्तानि। चित ज्ञाने-क्त। मनांसि, मानसबलानि। अग्ने म० ३। हे परमेश्वर। सपत्ना...........इमम्। व्याख्यातम् २ ॥