टिप्पणी: ३−येन। ब्रह्मणा। इन्द्राय। १।२।३। जीवाय, पुरुषार्थिने जीवाय। सम्-अभरः। डुभृञ् भरणे, पोषणे−लङि सिप्। सम्यग् भृतवानसि पोषितवानसि। पयांसि। १।४।१। दुग्धानि, दुग्धधृतादिपदार्थान्। उत्-तमेन। म० २। अतिश्रेष्ठेन। ब्रह्मणा। १।८।४। वेदज्ञानेन। जात-वेदः। १।७।२। हे जातप्रज्ञान, परमेश्वर। तेन। ब्रह्मणा। अग्ने। हे ज्ञानस्वरूप परमेश्वर ! इह। अत्र, अस्मिन् जन्मनि। वर्धय। वृधु-णिच्। समर्धय। इमम्। उपासकं, माम्। स-जातानाम्। समान+जनी प्रादुर्भावे-क्त। जनसनखनां सञ्झलोः। पा० ६।४।४२। इति आत्त्वम्। समानस्य छन्दस्यमूर्ध०। पा० ६।३।८४। इति समासे समानस्य सभावः। समानजन्मनां स्वकुटुम्बिनां मध्ये। श्रैष्ठ्ये। गुणवचनब्राह्मणादिभ्यः कर्मणि च। पा० ५।१।१२४। इति श्रेष्ठ-ष्यञ्। श्रेष्ठत्वे, प्रधानत्वे। आ। समन्तात्−यथाविधि। धेहि। डुधाञ् धारणपोषणयोः-लोट्। धारय, स्थापय। एनम्। उपासकम् ॥