टिप्पणी: ८−वि-सितम्। वि+षो अन्तकर्मणि−क्त, यद्वा, षिञ् बन्धे-क्त। विमुक्तम् वस्ति-विलम्। मं० १। वस्ति+विल स्तृतौ-क। मूत्रस्य छिद्रं मार्गम्। समुद्रस्य। स्फायितञ्चिवञ्चि०। उ० २।१३। इति सम्+उन्दी क्लेदने-रक् सम्यक् उनत्ति क्लेदयति जलेन जगत् इति समुद्रः। समुद्रः कस्मात् समुद्द्रवन्त्यस्मादापः समभिद्रवन्त्येनमापः सम्मोदन्तेऽस्मिन् भूतानि समुदको भवति समुनत्तीति वा−निरु० २।१०। समुद्रः=अन्तरिक्षम्−निघ० १।३। सागरस्य। उदधेः। कर्मण्यधिकरणे च। पा० ३।३।९३। इति उद वा उदक+डुधाञ् धारणपोषणयोः−कि। उदकपूर्णस्य। अन्यत् पूर्ववत् मं० ६ ॥