टिप्पणी: २−अङ्गे-अङ्गे। अङ्ग चिह्नकरणे-अच्। नित्यवीप्सयोः। पा० ८।१।४। इति द्विर्वचनम्। अङ्ग इत्यादौ च। पा० ६।१।११९। इति प्रकृतिभावः। सर्वेष्वङ्गेषु अवयवेषु। शोचिषा। अर्चिशुचिहुसृपि०। उ० २।१०८। इति शुच शौचे=शुद्धौ-इसि। दीप्त्या, प्रकाशेन। शिश्रियाणम्। लिटः कानज्वा। पा० ३।२।१०६। इति। श्रिञ् सेवायाम्-कानच्। अचि श्नुधातु०। पा० ६।४।७७। इति इयङादेशः। चितः। पा० ६।१।१६३। इति अन्तोदात्तत्वम्। आश्रितम्, परिपूर्णम्। नमस्यन्तः। नमोवरिवश्चित्रङः क्यच्। पा० ३।१।१९। इति नमस्-क्यच् पूजायाम्−लटः शतृ। पूजयन्तः। त्वा। त्वां वृषाणम्। हविषा। १।४।३। दानेन, आत्मसमर्पणेन भक्त्या। विधेम। विध विधाने, तुदादिः, विधिलिङ्। परिचरणकर्मा−निघ० ५।५। परिचरेम, सेवेमहि। अङ्कान्। हलश्च। पा० ३।३।१२१। इति अञ्चु गतिपूजनयोः−कर्तरि घञ्। चजोः कु घिण्ण्यतोः। पा० ७।३।५२। इति कुत्वम्। अञ्चनशीलान् गमनशीलान्, व्यस्तिरूपेण पृथक् पृथग् व्याप्तान् गुणान्। सम्-अङ्कान्। सम्भूय गमनशीलान्। समस्तिरूपेण संगतान् गुणान्, अग्रभीत्। ग्रह उपादाने−लुङ्, हस्य भकारः। अग्रहीत्। पर्व। स्नामदिपद्यर्त्तिपॄशकिभ्यो वनिप्। उ० ४।११३। इति पॄ पालने, पूर्तौ−वनिप्। प्रत्येकावयवम्। ग्रभीता। ग्रह उपादाने-तृच्। हस्य भः। ग्रहीता, ग्राहकः, धारकः ॥